До 1.000 долари казна за лицата кои не носат маски
Кој не носи маска што ги покрива носот и устата на места каде што е задолжително, како што се продавници и јавен превоз, ќе треба да плати казна од 25 евра во Австрија, а во Тексас казната е 1.000 долари
Австриската полиција од денеска ќе ги казнува сите лица кои не ги почитуваат мерките на Владата за борба против коронавирусот.
Кој не носи маска што ги покрива носот и устата на места каде што е задолжително, како што се продавници и јавен превоз, ќе треба да плати казна од 25 евра. За сите други прекршоци, предвидена е глоба од 50 евра.
Досега полицијата само поднесуваше обвиненија против прекршителите на мерките, како што е непридржување доволно растојание од најмалку еден метар до други лица или собир на повеќе луѓе, а надлежните органи потоа ги испраќаа казните на домашна адреса.
Новата регулатива и дозволува на полицијата да врши контрола во јавниот превоз и во продавниците и да ги казни прекршителите на лице место.
Во Тексас, пак, стапи на сила одлуката за казна од илјада долари за лицата кои не носат маска за заштита од новиот вирус Ковид-19.
Сторед таа одлука, сите лица постари од пет години мора во секој момент да имаат маска преку носот и устата кога влегуваат во продавница или аптека.
Донесена е одлука и за казнување на лицата кои се возат повеќе од двајца во автомобил. Таа казна исто така изнесува илјада евра.
Во Тексас бројот на заболени е 11.600, а како последица на вирусот починаа 226 лица.