ДИСЦИПЛИНСКА ЗА ТРОЈЦА ПОЛИЦАЈЦИ Од МВР велат дека тие се однесувале несоодветно со новинарката Клинчарска
Од МВР, како што додаваат, ќе останат посветени на, како што велат, одличната соработка со новинарите и Здружението на новинари на Македонија и без никаква толеранција за вакви и слични случаи, кои ќе бидат соодветно санкционирани.
Министерството за внатрешни работи преку соопштение се огласи во врска со случајот со новинарката на Фокус, Вики Клинчарска, при што информираа дека против полициските службеници е поведена дисциплинска постапка.
– Одделот за внатрешна контрола, криминалистички истраги и професионални стандарди при МВР, постапувајќи по пријава од Здружението на новинари на Македонија за непрофесионално полициско постапување на 11.08.2022 кон новинарката на Фокус В.К. од Неготино, а во врска со поплака од страна на жена од Неготино која на 08.08.2022 удрила малолетник со автомобил на улица „Маршал Тито“ во Неготино, за што новинарката објавила текст, утврди несоодветно извршување на работните задачи од полициски службеници и поради тоа ќе бидат изречени дисциплински мерки односно ќе биде поведена дисциплинска постапка против тројца полициски службеници, согласно колективниот договор – се вели во соопштението од МВР.
Од МВР, како што додаваат, ќе останат посветени на, како што велат, одличната соработка со новинарите и Здружението на новинари на Македонија и без никаква толеранција за вакви и слични случаи, кои ќе бидат соодветно санкционирани.