Дисциплинска против техничарот заразен со ковид-19 на Радиологија, може да добие и кривична
Двајцата позитивните тестови ги добиле вчера. На тестирање и во изолација се пратени уште двајца вработени кои се без симптоми, но имале контакт со нив - изјавил директорот на Радиологија.
Дисциплинска постапка ќе биде поведена против техничарот позитивен на ковид-19, вработен на Клиниката за радиологија, бидејќи несопвесно се однесувал, односно со симптоми на вирусот доаѓал на работа – најави директорот на Клиниката, Даниел Ѓурчинов во изјава за Курир.
Таму се потврдени три случаи на коронавирусот, од кој првозаболен е техничарот, а останатите двајца, како што појаснил Ѓурчинов, биле во контакт со него, односно заедно работеле.
– Двајцата позитивните тестови ги добиле вчера. На тестирање и во изолација се пратени уште двајца вработени кои се без симптоми, но имале контакт со нив – изјавил директорот на Радиологија.
Тој додал дека освен тоа што ќе биде поведена дициплинска постапка против првозаразениот, се разгледува и можноста за евентуално поднесување и на кривична пријава.