Директорот на Токсикологија: Док Холидеј бил во право што стетоскопот го заменил со револвер!

Директорот на Клиниката за токсикологија, д-р. Нико Беќаровски  преку Фејсбук реагираше за нападот што се случи врз негов колега од страна на 32-годишен татко, бидејќи докторот ги препратил на Педијатрија каде имало дежурен лекар.

Беќаровски прашува дали ќе мора да носат оружје за самоодбрана.

-Попладнево повторно физички нападнат и повреден доктор на своето работно место. Дали покрај маските, везирот, ракавиците, ќе мора да носиме и нунчаки за самоодбрана??? Док Холидеј бил во право што стетоскопот, го заменил со револвер – напиша д-р. Беќаровски на Фејсбук.

Нападнатиот лекар се здобил со посекотини на лицето и хематом. Тој бил хоспитилизиран, а по укажаната помош пуштен е на домашно лекување.

МВР утрово информира дека е приведен триесет и двегодишниот С.И. од Скопје  поради напад врз лекар од Клиниката за токсикологија.