ДИМИТРИЕВСКИ ПОВИКА НА МАСОВНО ГЛАСАЊЕ И во следните 4 години да го развиваме Куманово
Димитриевски ги повика кумановци в недела на 17 октомври сите масовно да излезат на гласање за претстојните локални избори и да ја дадат својата поддршка за концептот „За наше Куманово“.
Независниот кандидат за градоначалник на Куманово Максим Димитриевски денеска ги повика своите сограѓани да го поддржат на гласањето в недела.
– Куманово заслужува да продолжи да се развива и да се шири. Куманово секогаш во својата историја бил предвесник на одредени промени. Ајде заедно да продолжиме да го градиме наше Куманово. За мое, за твое, за наше Куманово – сите заедно на 17. октомври да покажеме дека Куманово секогаш бил град на непокор и град којшто предизвикувал сериозни промени на подобро во нашето општество – рече Димитриевски, кандидат за градоначалник на Куманово на граѓанската иницијатива „За наше Куманово“.
Димитриевски, обраќајќи им се на своите сограѓани тој повика на поддршка за претстојните избори во недела.
– Во недела одлучуваме и за иднината на нашиот град. Дали во следните 4 години Куманово ќе продолжи да се развива и шири, да се трансформира во еден модерен, урбан и чист град којшто нуди перспективни. Ве повикувам во недела на 17 октомври сите масовно да излезете на гласање за претстојните локални избори и да ја дадете својата поддршка за концептот „За наше Куманово“, за мене како ваш сегашен и иден градоначалник под реден број 80 и за советничката листа „За наше Куманово“ – граѓанска иницијатива предводена од Ивана Ѓорѓиевска и реден број 61 – побара Димитриевски.