ДЕВЕТМИНА УАПСЕНИ ВО ВРСКА СО ПЕКОЛНАТА СВАДБА ВО ИРАК Во пожарот загинаа 114 луѓе, а околу 200 се повредени
Во моментот на пожарот во салата имало околу 1.000 луѓе. Пожарот предизвика уривање на салата, по што спасувачките екипи бараа преживеани под урнатините.
Ирак денеска прогласи тридневна жалост за жртвите од пожарот што избувна синоќа на свадбена веселба во градот Ал Хамданија на северот на земјата, во кој загинаа најмалку 114 лица, а околу 200 се повредени, пренесе ДПА.
Ирачкото Министерство за внатрешни работи соопшти дека се уапсени девет работници во салата, а по четворица сопственици се издадени налози за апсење.
– Експертите за криминалистички докази и цивилната одбрана потврдија дека салата е изградена од многу запалив материјал „Екобонд“. Имаше и огномет што го предизвика инцидентот со пожарот, покрај недостигот на безбедносни услови – рече портпаролот на министерството Саад Маан.
Министерот за внатрешни работи Абдул Амир ал-Шамари денеска нареди да се формира комитет за да го истражи инцидентот за кој рече дека, според прелиминарниот извештај, „не е криминален“, туку е последица на недоволни безбедносни мерки.
Во моментот на пожарот во салата имало околу 1.000 луѓе. Пожарот предизвика уривање на салата, по што спасувачките екипи бараа преживеани под урнатините.
