Девет пациенти починаа, а новозаразени се 193, најмногу во Скопје, дури 140

Сто деведесет и три случаи на заболени од ковид-19 се регистрирани во последните 24 часа. Како што соопшти Министерството за здравство направени се 1.391 тестирање, а од новорегистрираните случаи најголем број се во Скопје, 140. Во Куманово има два случаи, во Дебар еден, во Штип шест, во Тетово 19, во Струга пет, во Велес два, во Охрид 11, во Гостивар четири, Свети Николе еден  и во Ресен два.

Институтот за јавно здравје денеска регистрира 46 оздравени пациенти од Скопје  35, Куманово еден, Штип шест, Тетово еден, Струга еден, Гостивар еден, Валандово еден.

Починати се девет лица, пет од Скопје, двајца пациенти од Куманово, еден пациент од Тетово и еден  од Охрид.

На Клиниката за инфективни болести и фебрилни состојби починаа три лица од Скопје на возраст од 78 и 47 години хоспитализирани на 4, односно 7 јуни и пациентка на 85 години, хоспитализирана на 9 јуни.

Во ГОБ „8 Септември“ починаа четири лица, двајца пациенти од Скопје на возраст од 69 и 67 години, хоспитализирани на 9, односно 15 јуни, пациентка од Куманово на 67 години, примена на 2 јуни и пациент од Тетово на 61 година, примен на 2 јуни.

Во Општата болница Куманово почина пациент на 81 година, хоспитализиран на 3 јуни, во ГОБ Охрид пациент на 83 години, примен во болницата на 8 јуни.

На Инфективната клиника во изминативе 24 часа примени се 15, од кои  7 се префрлени од ГОБ „8 Септември“. Вкупно се хоспитализирани 95 пациенти. На кислородна поддршка се 43 пациенти, нема пациенти на механичка вентилација.

До утрово, во ГОБ „8 Септември“ примени се 20 нови, а вкупно хоспитализирани 109 пациенти. На респираторна машина се 7, a со потешка клиничка слика се уште 30 пациенти.

Во болницата во Битола се хоспитализирани 29 пациенти, а во болницата во Штип се хоспитализирани 21 пациент. На инфективните одделенија во Тетово, Охрид, Велес, Куманово и Прилеп се хоспитализирани 74 пациенти, позитивни и сомнителни на ковид-19