📽️ ДЕВЕТ ЧАСА КИЕВ Е ПОД РУСКА ОПСАДА Градот нема струја и парно, има и загинати
Како одговор на рускиот напад од големи размери, Полска ноќеска ги мобилизираше своите воени авиони, објавија полските вооружени сили. Во меѓувреме, украинските воздухопловни сили предупредија за постојана закана од руски беспилотни летала и ракети низ целата земја.
Речиси 9 часа Киев ноќеска беше под опсада. Во градот воздушната опасност сè уште е на сила поради заканата од балистички ракети. Русија лансираше повеќе хиперсонични ракети „Кинжал“, балистички ракети „Искандер“ и крстосувачки ракети „Калибр“ врз украинскиот главен град. Во нападот, најмалку 11 лица беа повредени, пишува „Киев Индепендент“.
Речиси една третина од украинскиот главен град е без греење, а во некои делови од Киев нема електрична енергија.
Kyiv is dying – just a few hundred kilometers from the NATO border.
All because Europe is led by the most cowardly and stupid politicians like Merz, Macron, Starmer, Meloni, and Tusk. pic.twitter.com/GqvmYbCwMf
— Jürgen Nauditt 🇩🇪🇺🇦 (@jurgen_nauditt) December 27, 2025
Руските сили нападнаа во текот на ноќта неколку области од Киевската област, а во нападот беа оштетени станбени згради, градилишта и деловни објекти, објавија претходно украинските власти.
Неколку експлозии одекнаа низ целиот главен град, а во градот Бровари, на околу дваесет километри од Киев, како и во околните области, имаше прекин на електричната енергија.
Градоначалникот Виталиј Кличко објави дека бројот на повредени во Киев се искачи на најмалку 11 лица.
– Единаесет жртви во Киев. Осум лица се хоспитализирани во медицинските установи во главниот град. На другите им е укажана помош на лице место или амбулантски – објави Кличко, пренесува Укринформ.
Укринформ објави дека бројот на жртви е 19. Украинските власти објавија дека меѓу жртвите има две деца.
The Russians’ real goal is the destruction of civilians, not peace. By trying to negotiate with them, @realDonaldTrump is jeopardizing US credibility. More footage from today’s attack on Kyiv. The target was another civilian home. pic.twitter.com/0MDG15bNkb
— Alex Talker (@alex_talker9714) December 27, 2025
Пожар избувна во областа Холосијевски во градот, додека делови паднаа во областите на општините Оболонска и Десњанска.
Штети се регистрирани и во близина на Киев. Во Вишгород се оштетени прозорците на повеќекатна зграда, додека во областа Борисовски се оштетени неодреден број магацини и два автомобили, потврди гувернерот на Киевската област, Микола Калашник, додавајќи дека критичната инфраструктура повторно била цел на напади.
Putin responded to calls for ceasefire by launching a terrorist attack on Kyiv just before the New Year.
Right now, Russian drones are deliberately targeting residential buildings in the capital of Ukraine. There are numerous fires and destruction, and civilians are buried under… pic.twitter.com/y7i24ae5lI
— Денис Казанський (@den_kazansky) December 27, 2025
Укринформ информира и дека се оштетени производствените капацитети на една компанија и два автомобили, а пожарот избувна на градилиштето, се наведува во соопштението.
Во Киев и голем број украински региони, воздушната опасност сè уште е на сила поради заканата од балистички ракети, според Укринформ.
Kyiv – a hell of flames.
Europe – sleeps. pic.twitter.com/omsAhb0hpJ
— Jürgen Nauditt 🇩🇪🇺🇦 (@jurgen_nauditt) December 27, 2025
Како одговор на рускиот напад од големи размери, Полска ноќеска ги мобилизираше своите воени авиони, објавија полските вооружени сили. Во меѓувреме, украинските воздухопловни сили предупредија за постојана закана од руски беспилотни летала и ракети низ целата земја.
Аеродромите во Жешов и Лублин во југоисточна Полска беа привремено затворени откако полските вооружени сили испратија борбени авиони како одговор на руските напади врз Украина.