DEVCON ПОВТОРНО ВО ЖИВО Конференција од ИТ заедницата за ИТ заедницата на 14 мај во City hall Скопје

DevCon се враќа повторно! По вторпат во земјава ќе се одржи популарната меѓународна конференција DevCon на која на едно место ќе се собере ИТ заедницата од земјава. Годинава со посебен акцент на тие што развиваат веб и мобилни решенија.

Присуството е бесплатно, а регистрацијата е на следниов ЛИНК.

Конференцијата е закажана за сабота 14 мај со почеток од 9 часот и поканети се да присуствуваат сите оние што сакаат да се дружат со останатите колеги од ИТ заедницата, да разговараат за најновите трендови и да ги споделат нивните искуства поврзани со развојот на веб и мобилните апликации.

DevCon е бренд под кој се одржуваат конференции „од ИТ заедницата за ИТ заедницата“, овозможувајќи им на локалните и меѓународните ИТ професионалци да се вмрежуваат, дружат и да споделуваат знаење за најновите трендови во развојот на веб и мобилните апликации.

Годинава вкупно 7 говорници детално ќе зборуваат на различни теми, а покрај македонските презентери Бојан Божиновски, Марко Величковски, Стефан Јанев и Лазар Николов, ќе ги слушнеме и Венелина Јанакиева од Бугарија, Етрит Тахири од Косово и Раду Мицу од Обединетото Кралство.

Целосната агенда на настанот, како и повеќе информации за самата конференција, може да се прочитаат на официјалниот веб сајт.

– Навистина сме среќни што по цели две години пауза повторно имаме можност да закажеме дружба во живо и заедно со останатите колеги од земјава да споделиме знаења и искуства што ќе бидат применливи од следниот работен ден. Покрај квалитетната дискусија, еден од симболите на DevCon е и квалитетното неформално дружење, па со нетрпение го очекуваме овогодинешниот настан – вели Петар Баковски, извршен директор во „Мелон“.

DevCon е меѓународна ИТ конференција, а кај нас годинава е поддржана со организација од компаниите Melon и Frakton.

„Melon“ е компанија за развој на софтверски услуги основана во 2003 година со канцеларии во Софија, Велико Трново, Скопје и во Приштина, со повеќе од 300 девелопери. Нивниот талент и експертиза покрива широк спектар за развој на веб и мобилни апликации, поддржани од оддели за DevOps, QA и UX/UI. Тие сме особено добри во градењето тимови од снаодливи и совесни програмери со свеж поглед, кои се потпираат еден на друг.

„Frakton“ е основана во 2007 година како компанија за развој на софтверски услуги со седиште во Приштина со силна репутација – и како работодавец и како давател на услуги за развој на веб и мобилни софтверски решенија за големи меѓународни компании.