Детскиот фестивал Поточиња 2020 се одложува!

Организаторите на Детскиот фестивал Поточиња, кој беше закажан за 21. и 22. март во Македонската опера и балет, соопштија дека се одложува поради настанатата ситуација со коронавирусот и согласно мерките од надлежните институции.

– Со оглед на природата на настанатата ситуација, информираме дека новиот термин за одржување на фестивалот ќе биде дополнително утврден и објавен, согласно состојбата во државата, во период кој ќе биде апсолутно безбеден за децата и граѓаните – велат огранизаторите.

Тие додаваат дека сите кои набавиле билети ќе можат да извршат повраток на средствата на истото продажно место на кое ги купиле билетите.