Груби кажува лаги, ако имаат пратеници за уставни измени уште наредна недела нека ги стават на дневен ред, ако не Ковачевски веднаш да си поднесе оставка, реагира ВМРО-ДПМНЕ по најавата на првиот вицепремиер декавеќе контактираат и се во комуникација со опозициски пратеници и со претседатели на политичките партии за, како што рече, начин на којшто и тие ќе ја дадат својата поддршка за европска Македонија.
„Соочени со секојдневните неуспеси и порази на секое поле, владата на Ковачевски се обидува очајно да направи дефокус . Тоа што нема учебници во образованието, тоа што Македонија има највисока стапка на инфлација и најниска стапка на економски раст. Тоа што се до гуша заглавени во криминал, се обидуваат да го покријат со лажни вести. Редот да шири лаги денес му е на Артан Груби. Прашањето за уставни измени не е прашање дали сме за или против Европска Унија, туку дали сме за или против идентитетско обезличување и прифаќање на бугарските ултиматуми“, се наведува во соопштението од најголемата опозициска партија.
