ДЕЦАТА ЌЕ РАСТАТ ВО ЗДРАВА СРЕДИНА Весковски ветува изградба на нови градинки во Карпош

Нашата политика и проектите што се планира да се реализираат во наредниот четиригодишен период треба да остварат позитивен ефект врз најмладите, преку обезбедување и одржување здрава средина за раст и развој, рече Душко Весковски, кандидат за градоначалник на Општина Карпош од редовите на СДСМ.

– Проектите што се предвидуваат треба да придонесат за зајакнување на капацитетите на постојните детски градинки, за зајакнување и интензивирање на примената на спортот и различните спортски дисциплини, за поддршка на воннаставните активности и културното издигнување на младите генерации. Нашата цел е за секое дете да се обезбедат еднакви можности и услови за правилен раст и развој, во здрава средина. Затоа, планираме да изградиме по една нова детска градинка во зоната покрај реката Вардар и на просторот околу некогашна „Алуминка”, со што значително ќе се подобри капацитетот и квалитетот на грижата за најмладите карпошани. Тоа, пред сѐ, ќе значи згрижување на сите дечиња од предучилишна возраст што се на листите на чекање, но и можност за отворање нови работни места. Проекцијата за новите детски градинки предвидува изградба на објекти од по 1.480 метри квадратни, на два ката и згрижување на 130 до 150 деца од предучилишна возраст во еден објект – посочи Душко Весковски, кандидат за градоначалник на Општина Карпош.