Дарко Панчев: Ние што сме биле во војска знаеме што значи карантин
Мене не ми паѓа толку тешко, исто како што не им паѓа тешко на професионалните фудбалери кои во минатото и по цела недела биле во карантин како дел од подготовките за важни натпревари, истакнал Панчев.
Пандемијата што ја предизвика коронавирусот ќе ја победиме со дисциплина, истакнал поранешниот македонски фудбалер Дарко Панчев во разговор за интернет-страницата на српскиот клуб Црвена звезда.
– Потребно е да ги слушаме надлежните како во Македонија, така и во Србија. Експертите тврдат дека најдобрата превенција е изолацијата, а јас верувам дека со дисциплина ќе можеме да победиме. Ние кои во минатото одевме во војска, сега немаме проблем да се навикнеме на ваквите карантини. Мене не ми паѓа толку тешко, исто како што не им паѓа тешко на професионалните фудбалери кои во минатото и по цела недела биле во карантин како дел од подготовките за важни натпревари. Секако, има и луѓе кои не се навикнати на нешто такво и јас потполно ги разбирам – рекол Панчев.