„ДАНЕЛА ДАЈ НИ ПЛАТА ПА ДА ТИ КУПИМЕ ЦВЕЌЕ ЗА РОДЕНДЕН“ Вработените од „Улици и патишта“ протестираат пред Град Скопје

„Чекаме да дојде, да ни даде плата, за да ѝ купиме цвеќе за роденден. Ја чекаме да дојде да ѝ го честитаме роденденот, ајде со среќа“, порача вработен во јавното претпријатие „Улици и патишта“, кога започна протестот пред Град Скопје.

Поводот за протестот е неисплатената плата за вработените во овое претпријатие, која сеуште не им е исплатена. Вработените упатија порака до градоначалничката Данела Арсовска, од која бараат да го одблокира претпријатието и да ги подмири неисплатените примања.

Денеска, кога Арсовска го слави својот роденден, еден од вработените направи и видео порака, истакнувајќи дека очекуваат надминување на проблемите со платите и коректност од нина страна.

Актуелната градоначалничка Данела Арсовска е родена во Скопје на 20 декември 1979 година и таа денеска го прославува својот 45 роденден.

Протестот вклучи и донесување на еден од камионите на „Улици и патишта“ пред Град Скопје, што требаше да го истакне нивното незадоволство.

 

View this post on Instagram

 

A post shared by Скопје1 / Skopje1.mk (@skopje1mk)

Вработени во Јавното претпријатие Улици и патишта, утрово протестираат поради неисплатени плата и К-15.

Протестот се одржува пред канцелариите на администрацијата на Град Скопје, организиран е од Независниот синдикат во јавното претпријатие, при Конфедерација на синдикални организации на Македонија, КСОМ.