ДАЛИ ТОЈ Е ПРИЧИНАТА ЗА РАЗВОДОТ? Бритни Спирс е во врска со поранешен вработен со криминално досие

Пејачката Бритни Спирс, која минатата недела објави дека се разведува од сопругот Сем Асгари, беше снимена откако отиде на таен состанок во Западен Холивуд. Пејачката околу 22 часот излегла од ресторанот „Кеч“ и влегла во задниот дел од својот џип, во кој со неа влегол мистериозен маж. Бритни носела зелен мини фустан.

Инаку, како што неодамна објавија медиумите, причината за разводот на Бритни Спирс и Сем Асгари е наводно нејзиното неверство, па се претпоставува дека тајната придружник е всушност новата љубов на познатата пејачка.

Сега се појавија нови шпекулации за идентитетот на наводниот нов партнер на Бритни. Како што пишува „Пејџ сик“, Бритни наводно имала афера со член на нејзиниот персонал, чие минато е полно со криминални активности.

Наводно, станува збор за Пол Ричард Солиз (37), кој една година работел кај пејачката – ги чистел тоалети, ги метел подовите и го фрлал ѓубрето. „Пејџ сикс“ наведува дека Солиз неколкупати заработил обвиненија за разни прекршоци и кривични дела.

Да потсетиме, веста за разводот на Бритни и Сем прв ја објави американскиот таблоид ТМЗ, а извор потврди дека Асгари поднел барање за развод. Ден по објавувањето на разводот се појавија шпекулации за уценувањето на Асгари кој наводно барал пари од пејачката и за неверството, а Бритни дури неодамна за првпат се огласи за разводот.

„Како што сите знаат, јас и Хесам повеќе не сме заедно. По шест години, малку сум шокирана. Немам намера да ги објаснувам причините, ниту тоа е нечија работа. Но, не можам повеќе да ја поднесам болката да бидам искрена. Добив толку многу пораки од моите пријатели кои ми го стоплија срцето и ви благодарам. Долго време се обидувам да бидам силна. Би сакала да покажам емоции, солзи и како навистина се чувствувам, но за некоја причина секогаш морам да ги кријам своите слабости.

Да не бев храбриот татин војник, ќе бев испратена на места да ме поправаат лекари. Но, тогаш моето семејство беше она што ми требаше најмногу. Треба да всакаат безусловно, не под услови. Така ќе бидам силна и ќе дадам сè од себе. Всушност, јас сум многу добро. Во секој случај, ви посакувам убав ден на сите и не заборавајте да се насмеете“, напиша Бритни Спирс на Инстаграм.