ДАЛИ СИ ПОДГОТВЕНА? За честите и малолетнички бремености и други проблеми на ромското население
Документарниот филм „Дали си подготвена“ снимен во рамки на Кампања за подигање на јавната свест за репродуктивното здравје и здравата бременост кај ромското население кој имаше своја онлајн премиера зборува за многу работи поврзани со здравјето на Ромките кои досега биле премолчувани.
Недостигаат матични гинеколози, а има и случаи на незаконската наплата на услуги кај некои од нив, кои инаку се бесплатни. На ова укажа документарниот филм „Дали си подготвена“ снимен во рамки на Кампања за подигање на јавната свест за репродуктивното здравје и здравата бременост кај ромското население преку проектот „Баир- Здружена акција“ кој имаше своја онлајн премиера.
„Имав регистрирано матичен гинеколог кој почна да ја води мојата бременост. Во почетокот на мојата бременост кога и да направев преглед секогаш ми беше наплатуван. Иако бев свесна дека не е во ред од негова страна, радоста која ја чувствував ми беше поважна и не сакав да се занимавам околу правата кои ми беа злоупотребувани. На крај решив да се откажам од него и си регистрирав друг гинеколог кој редовно ја следеше мојата бременост без да ми наплати ни еден денар“, раскажува Узурџан Маликовска, ромски здравствен медијатор.
Повеќе за ова на порталот „Мајка и дете“.