Дали Меланија навистина има двојничка? Експертите откриваат што се крие зад фотографијата на „лажната“ прва дама (ФОТО)

Теоријата на заговор за двојничката на првата дама на САД кружи со години на социјалните мрежи.

Can we have a serious discussion about #FakeMelania pic.twitter.com/dajeseb8Hr

— Ben Meiselas (@meiselasb) October 25, 2020

Фотографијата од насмеаната Меланија Трамп како излегува од хеликоптерот доведе до вистинска збунетост на социјалните мрежи, а многумина сугерираат дека тоа е всушност нејзината двојничка бидејќи нејзината насмевка не одговара на суптилното смеење што сме навикнале да го гледаме на нејзиното лице.

Теоријата на заговор за двојничката на Меланија Трамп, која ја менува на јавни настани, кружи низ социјалните мрежи со години, а се појавува секогаш кога некој ќе забележи најмала промена во неа.

Сепак, експертите сега откриваат како позната личност која инаку одржува израз без емоции, може да стане „непрепознатлива“ кога ќе се насмевне поради „кревање масни јаболчници“ и „движење на наборите на кожата“ на лицето.

Лекарот по естетика, д-р Хусеин Чема, за „FEMAIL“ изјави дека насмевката може драматично да го промени изгледот на славната личност, особено ако обично се фотографира со камено изразување на лицето, пренесува „Daily Mail“.

– Секој израз на лицето бара употреба на нашите мускули на лицето. Кога се насмевнуваме, мускулите се собираат во долниот дел на лицето за да ја покажат насмевката. Во исто време, масните јаболчници се издигнуваат над образите и се туркаат кон очите, правејќи ги помали – објасни тој.

Според него, ова не е двојник, но луѓето не се навикнати да ја гледаат Меланија Трамп како се смее.

Да потсетиме, Меланија беше фотографирана насмеана додека излегуваше од хеликоптерот на патот кон последната претседателска дебата.

На фотографијата Меланија носи големи очила за сонце и широка насмевка, но многу корисници на „Твитер“ токму поради тоа се посомневаа дека тоа е нејзината двојничка.