ДАЛИ КОГА СЕ БУДИТЕ НОЌЕ, ПОСЕГАТЕ ПО ТЕЛЕФОНОТ? Ве фаќа ли паника кога батеријата на мобилниот е при крај, а немате полнач?
Повеќето луѓе прекумерно ги користат своите мобилни телефони, особено во слободното време. Често посегнуваме по телефонот несвесно, автоматски, од навика, без да бидеме свесни зошто ни е потребен во даден момент. Меѓутоа, она што се смета за зависно однесување е хроничната прекумерна употреба која по одредено време доведува до нарушување на природните биохемиски процеси во мозокот.
Технолошкиот развој е неминовност на денешната цивилизација. Со себе носи бројни предности, но и одредени недостатоци. Недостатоците се јавуваат кога употребата на технолошките достигнувања се претвора во злоупотреба. Уредот чија употреба е широко распространета денес е мобилниот, паметен телефон кој ја комбинира основната функција на телефонот и голем број функции кои до неодамна беа достапни само преку компјутер. Бројни студии спроведени на глобално ниво покажуваат дека околу 86% од целото население (6,8 милијарди луѓе) користат паметен телефон. Фактот дека во 2016 година, нешто помалку од 50% од населението (3,6 милијарди луѓе) користеле паметен телефон, исто така, покажува колку брзо растела употребата.
Паметен телефон, со помош на само неколку кликања, ни овозможува на располагање интернет прелистувач, социјални мрежи, камера, GPS, видео повици, видео игри, вести од сите делови на светот, онлајн шопинг, платформи за запознавање, канали кои се занимаваат со различни теми и безброј други апликации кои нудат различни карактеристики и содржини. Секој човек може веднаш и сега да задоволи многу свои интереси и потреби. Пред само 10 години, на пример, беше тешко да се најде на Јутјуб песната што ќе ја слушнеме некаде на минување. Сега е веќе тука апликацијата која можеме да ја активираме додека трае песната и која веднаш ни „кажува“ за која песна и изведувач станува збор.
Целиот текст побарајте го ТУКА.