ДАЛИ Е ПОДОБРО БРИС ДА СЕ ЗЕМЕ ОД НОС ИЛИ ОД ГРЛО? Нова студија за брзи тестови открива кој примерок дава поточен резултат
Со оглед на тоа што омикрон во моментов е одговорен за речиси сите случаи на инфекција со коронавирус во Сан Франциско, истражувачите таму спроведоа ПЦР тестирање и паралелен брз антиген тест од компанијата „Абот“ на почетокот на јануари на 731 лице кои побараа тестирање за ковид-19.
Корисниците на брзи антигенски тестови за откривање на ковид-19 треба да земат брис од ноздрите според упатствата на производителот, но не е нужно да земат брис од грлото или од внатрешниот дел на усната шуплина, покажа едно ново истражување.
Со оглед на тоа што омикрон во моментов е одговорен за речиси сите случаи на инфекција со коронавирус во Сан Франциско, истражувачите таму спроведоа ПЦР тестирање и паралелен брз антиген тест од компанијата „Абот“ на почетокот на јануари на 731 лице кои побараа тестирање за ковид-19.
Само во назалниот брис „најголема количина на вирус е откриена кај 95 отсто од тестираните“, рече др. Дајан Хавлир од Универзитетот во Калифорнија, Сан Франциско. Кај 115 волонтери со позитивен ПЦР тест, членовите на нејзиниот тим ги споредиле овие резултати со резултатите од брзиот тест за антиген на „Абот“, користејќи примероци од брисеви од ноздрите и грлото изведени од обучени експерти.
40% помалку позитивни брисеви од грлото
Тие открија скоро 40 проценти помалку позитивни резултати од тестот за ковид во примероците од брисеви од грло отколку во брисевите од нос, тие објавија на веб-страницата „medRxiv“ за нивните набљудувања кои допрва треба да поминат рецензија.
А посебна студија спроведена во Шпанија, чии резултати беа објавени и на „medRxiv“, покажа дека брис земен од внатрешниот дел на усната шуплина е многу помалку сигурен од брис од ноздрите кога станува збор за откривање на овој многу заразен вид. Неодамнешните студии сугерираат дека омикронот може да се открие порано од брис од грло отколку од ноздра, поради што некои експерти советуваат да се направат двата брисеви.
Управата за храна и лекови на САД (ФДА) советува тестовите да се користат според упатствата.
– Нашите наоди се во прилог на користењето на тестовите на „Абот“ со брис од носот според упатствата на пакувањето. Се препорачува повторен брз антигенски тест за оние кои се негативни на тестот „Абот“ и оние кои имаат симптоми или биле во контакт со заразено лице – рече Хавлир.