ДАЛИ АЛКОХОЛОТ ДЕБЕЛЕЕ Одговори за оние кои се обидуваат да ослабат

Не е новост дека прекумерната конзумација на алкохол е штетна за организмот, а може да доведе и до импотенција. Но, многумина кои повремено конзумираат алкохол се прашуваат колку тој влијае врз тежината. Дали ако престанеме со пиење ќе изгубиме килограми?

Докторите и нутриционистите се сложни дека одговорот на ова прашање е комплексен.

– Многумина мислат дека ако престанат со пиење алкохол ќе ослабат, но телото не функционира толку едноставно – објаснува нутриционистката Самнер Брукс.

Не само апстиненцијата, туку и начинот на кој телото ги процесира алкохолот и храната, генетиката и многу други фактори влијаат на слабеењето.

За разлика од храната која телото ја гледа како гориво за себе, алкохолот не го препознава на тој начин па приоритет на организмот е што побрзо да го обработи и исфрли, додека нутритивните вредности од храната ги складира како масти.

Континуирано користење на алкохол ќе доведе и тој да се складира како масти, а со престанување на пиење телото ќе почне да ги троши. Но тоа не е процес што се случува брзо.

– Дури и пауза од конзумирање на алкохол ќе му даде на телото шанса да се залечи од направената штета и да ја апсорбира храната подобро. Поради тоа можно е и извесно дебелеење, но во овој случај тоа е здраво –  наведува Брукс.

Оние кои често конзумираат алкохол имаат низок шеќер па после престанувањето може да се појави потреба за слатки работи. Дополнително оваа потреба ја зголемува и допаминот – и благото и алкохолот го активираат, па кога нема алкохол мозокот ќе бара нешто благо.

Престанувањето со пиење алкохол нема да донесе брзо слабеење, но во секој случај ќе доведе до поздрав живот.