Д-р Пановски: Јас сум против сертификати – и вакцинираните шират корона, но пусулче ќе добијат!

Прележаните не треба да се вакцинираат, односно ако веќе се вакцинираат треба да се вакцинираат со една доза, порачаува на Фејсбук д-р Никола Пановски.

Тој неуморно им одговара на граѓаните на сите дилеми и прашања што му ги поставуваат на социјалните мрежи, а се поврзани токму со вакцинацијата. Пановски дури вели дека голем дел од вакцинираните немаат антитела, но дека добиваат црно на бело, иако постои можност да го шират вирусот.

– Јас сум воопшто против сертификати. Дека прележаните не треба да се вакцинираат, односно ако веќе се вакцинираат треба да се вакцинираат со една доза, кажано е повеќе пати. Властите тоа го имаат чуено повеќе пати и преку медиумите и преку социјалните мрежи. Значи мислењата и препораките се дадени одамна, не се прифатени од власта. СЗО или не знам кој рекол, прележаните на вакцина по еден месец!!! Може да имате антитела до плафон, ако не се од вакцина, џабе е. Ако не биле високи, со првата доза одат високо, не вреди, морало втора доза за да се добиел аусвајсот!!!! Во исто време добар број вакцинирани немаат антитела, очигледно можат да го шират вирусот, но пусулче ќе добијат – порачува професорот д-р Пановски.