Д-р Лазаров: Мора строго да ги чуваме границите, не ни треба индискиот сој во земјава во моментов

Доктор Ненад Лазаров преку Фејсбук апелира дека мора строго да се чуваат границите за да се спречи влез на индискиот сој во земјава.

„Мора строго и многу сериозно да ги чуваме границите за влез во Македонија, верувајте дека не ни треба индискиот сој во земјава во моментов“, напиша  Лазаров.

Индиски сој на коронавирус веќе го има во регионот, односно во Унгарија, а вчера беше откриен и во Хрватска.

– Откриено е пред неколку дена во Сплит, Далмација, но ова се индивидуални случаи и нема причина за паника – изјави Ивана Пем Новосел од Хрватскиот институт за јавно здравје во емисијата Студио 4, додавајќи дека грижата треба да продолжи.