Д-р Чадиковски за гласините дека ќе се кандидира за градоначалник: Си го сакам Скопје и не би сакал да го води човек како мене!

Откако ТВ21 објави дека познатиот детски кардиохирург д-р Владимир Чадиковски е еден од можните кандидати за градоначалник на Скопје, тој веднаш ги демантираше гласините и на социјалната мрежа Твитер напиша дека политички ангажман не е во неговиот домен на интереси.

„Толку го сакам својот град што не би сакал да го води човек како мене, кој е стручен за друго. Мојот живот е медицината и моја професионална мисија е да помагам на што повеќе болни деца. И ништо надвор од тоа. Политичкиот ангажмани никогаш не биле домен на мој интерес“, напиша д-р Чадиковски.

Толку го сакам својот град што не би сакал да го води човек како мене,кој е стручен за друго. Мојот живот е медицината и моја професионална мисија е да помагам на што повеќе болни деца. И ништо надвор од тоа. Политичкиот ангажмани никогаш не биле домен на мој интерес.

— Vladimir Chadikovski (@chadikovski) March 30, 2021