ЦУКЕРБЕРГ СТАНА ЧЕТВРТИ НАЈБОГАТ ЧОВЕК Неговото богатство надмина 200 милијарди долари

Богатството на извршниот директор на платформата Мета Марк Цукерберг за прв пат ја надмина границата од 200 милијарди долари, објави Блумберг.

Неговото богатството за помалку од две години порасна речиси 6 пати  на 201 милијарда американски долари.

Според индексот на милијардери на Блумберг, тој сега е на четвртото место на листата на 500 најбогати луѓе во светот по Илон Маск, Џеф Безос и Бернард Арно.

Од 1 јануари оваа година, богатството на Цукерберг се зголеми за 73,4 милијарди долари благодарение на неговиот удел од 13% во платформата Мета.