ЦРНОГОРСКИТЕ ПРЕВОЗНИЦИ СЕ ПОВЛЕКУВААТ ОД БЛОКАДИТЕ Владата им вети дека ќе реши дел од нивните барања
Според превозниците, останува да се реши проблемот со акцизите на горивата и проблемот со ограничениот престој во шенген зоната.
По состанокот со претставници на Владата, Здружението на транспортери на Црна Гора одлучи да ја прекине блокадата на товарниот сообраќај која беше покрената за решавање на голем број проблеми. Протестот беше најавено да трае до денеска во 12 часот. Црногорските превозници на овој протест дадоа и поддршка на превозниците од регионот кои ги блокираат границите поради европските правила за престој во шенген зоната.
Превозниците велат дека се дефинирани решенија за значителен број од проблемите поради кои поставија блокади.
– ДДВ се враќа во законски предвидениот рок. Добивме уверение дека транзитниот период за стока увезена од Црна Гора ќе биде 72 часа. Добивме уверение дека предлогот за бенефицирано работно искуство ќе биде ставен на гласање пред владата – изјавија тие по состанокот.
Како што велат, проблемот со акцизата за горивото не е решен.
-Но, добивме уверувања дека сите главни теми со европските партнери, вклучувајќи ги и акцизата за дизел горивото, ќе бидат разгледани за да не стимулираат. Зголемувањето на работното време на фитосанитарните инспектори ќе биде продолжено – истакнаа превозниците.
Црногорските превозници ги блокираа границите и пристапот до пристаништето Бар како реакција на нерешените прашања со владата и за да им дадат поддршка на превозниците во регионот.