ЦРНО СЦЕНАРИО НА СЗО ЗА ЕВРОПА Над 230.000 смртни случаи на ковид-19 до декември
„Црното“ предвидување доаѓа од Институтот за здравствена метрика и проценка при Универзитетот Вашингтон во Сиетл.
Светската здравствена организација (СЗО) очекува 236.000 смртни случаи како последица на ковид-19 во Европа од крајот на август до 1 декември, изјави денеска регионалниот директор на СЗО за Европа, Ханс Клуге, на прес-конференција во Копенхаген.
– Бројот на смртни случаи од коронавирус се зголеми за 11 проценти само минатата недела – истакна Клуге.
„Црното“ предвидување доаѓа од Институтот за здравствена метрика и проценка при Универзитетот Вашингтон во Сиетл.
– Порастот на случаите е предизвикано од многу заразната делта варијанта, ублажување на многу рестриктивни мерки во голем број земји и значително зголемување на бројот на патувања во текот на летото – објасни Клуге.
Според него, регистрирано е драстично зголемување на бројот на нови инфекции, особено на Балканот, Кавказ и во Централна Азија.