ЦРН ЧАД СЕ ИЗДИГНА НАД СКОПЈЕ Се запали магацински простор кај старата фабрика „Комуна“, нема повредени
Се запалил пластичен материјал, но со интервенција на 9 противпожарни возила и 20 пожарникари, пожарот е бргу ставен под контрола, вели командирот на скопската Бригада за противпожарна заштита, Звонко Томески.
Во магацински простор кај старата скопска фабрика „Комуна“ избувна пожар, а дојавата во скопската Бригада за противпожарна заштита е примена во 4.55 минути.
Командирот на скопската Бригада за противпожарна заштита, Звонко Томески за МИА изјави дека за кратко време пожарот е ставен под контрола, целосно е изгаснат и не е дозволено да се прошири во останатите објекти во кругот на фабриката.
Нема повредени, но е причинета материјална штета.
Томески информира дека по дојавата веднаш се упатени девет противпожарни возила со 20 пожарникари, а станувало збор за магацински протстор во кој била складарна пластика за понатамошна рециклажа.
– Карактеристично е што во кругот на фабриката и во објектите немаше функционална хидрантска мрежа – потенцираше за МИА командирот на скопската Бригада за противпожарна заштита, Звонко Томески.