Чулев: Пасошите се пристигнати и готови, граѓаните можат да ги подигнат
Тој рече дека сите пасоши од типот А и Б пристигнати и се изработени
Министерот за внатрешни работи информира дека пасошите од типот А и Б од последниот тендер се пристигнати и изработени за сите граѓани кои аплицирале за нив.
Тој во емисијата Топ тема на Телма ТВ рече дека граѓаните можат да ги подигнат.
– Сите пасоши од типот А и Б стигнаа и се изработени. Доколку граѓаните одлучат да ги потигнат тоа можат да го направат. Одделите за издавање на лични документи работат и таму имаме воведени посебни мерки за заштита – рече Чулев.
Тој повтори дека МВР има доволни количини на заштитан опрема и тоа се покажало во градовите каде што драстично се шири коронавирусот.
– Досега само 12 полицајци се заразени со коронавирусот. Дали се заразиле на работното место или на друго место, сепак, имаме најмал број на заразени полициски службеници во регионот- рече Чулев.