ЧЛЕНОТ 5, НАЈГОЛЕМА ПРЕЧКА ЗА УКРАИНА ВО НАТО? Земјите-членки се думаат да стокмат понуда пред самитот во Вилнус
Во исто време, членот 5 се наведува како една од главните причини зошто Украина не може да се приклучи на НАТО додека е во конфликт со Русија, бидејќи може веднаш да ја втурне Алијансата во активна војна.
Со тоа што ќе стане членка на НАТО, Украина ќе се најде под заштитниот чадор на членот 5 од Вашингтонскиот договор, кој вели дека нападот врз еден сојузник се смета за напад врз сите сојузници.
Клаузулата за заемна помош на НАТО е основата на алијансата, основана во 1949 година со примарна цел да се спротивстави на ризикот од советски напад на сојузничката територија.
Во исто време, членот 5 се наведува како една од главните причини зошто Украина не може да се приклучи на НАТО додека е во конфликт со Русија, бидејќи може веднаш да ја втурне Алијансата во активна војна.
На крајот, колку брзо и под кои услови ќе ѝ биде дозволено на Украина да влезе во НАТО ќе зависи од сегашните 31 земја-членка.
Додека источноевропските земји сакаат на Киев да му биде понудена некаква временска рамка на самитот на НАТО во Вилнус во средината на јули, западните членки како САД, Франција и Германија се претпазливи за каков било потег што би можел да ја доближи Алијансата до војна со Русија.
Плусинфо веќе пишуваше што може да значи самитот во Вилнус за Украина и кои типови на гаранции земјата може да очекува да ги добие. Една од тие гаранции вклучува партнерство налик на партнерството со Израел.
Исто така, се шпекулира дека група земји-членки на чело со Полска се подготвени да распоредат свои војници во Украина ако земјата не стане дел од Алијансата.
Oд 1999 година, повеќето земји кои сакаат да се приклучат на НАТО учествуваат во МАП, програма дизајнирана да им помогне да исполнат одредени политички, економски и воени критериуми.
Кандидатите за членство треба да бидат функционални демократии кои се однесуваат праведно кон нивните малцинства, се посветени на мирно решавање на конфликти и покажуваат дека се способни и спремни да придонесат воено во операциите на НАТО.