Министерство за здравство: Четворица починаа, 29 се ново заразени од коронавирусот, а 69 оздравеле
Министерството за здравство информира дека денеска Институтот за јавно здравје регистрира 29 нови случаи на ковид-19 со што, вкупната бројка на дијагностицирани е 1.494, починале 4 лица, а оздравени се 69 во: Скопје-18, Куманово-36, Дебар-1, Штип-1, Велес-10, Гевгелија -1.
Институтот регистрира уште едно починато лице во Прилеп, жена на возраст од 69 години, позитивна на вирусот, починала дома.
„Во ГОБ „8 септември“ почина пациент од с. Зрновци (Кочани) на 62 годишна возраст, на болничко лекување од 21 април.69 оздравени пациенти во: Скопје-18, Куманово-36, Дебар-1, Штип-1, Велес-10, Гевгелија -1. Во изминатите 24 часа направени се 362 тестирања, а потврдени се 29 нови случаи на ковид-19. На Клиниката за инфективни болести и фебрилни состојби се примени 2 нови пациенти, а вкупно се хоспитализирани 48. На кислородна поддршка се 27, а на механичка вентилација е 1 пациент.
Во ГОБ „8 септември“ примени се 3 нови, а вкупно хоспитализирани 26 пациенти. Од нив 4 пациенти се на респираторна машина и уште 3 со потешка клиничка слика“, информира Министерството за здравство.
Во болницата во Битола се лекуваат 4 пациенти, а на домашно лекување се следат 3.
Во болницата во Штип се хоспитализирани 2 пациенти, а уште 4 се следат на домашно лекување. На ифективните одделенија во Прилеп, Велес, Куманово, Охрид, Гостивар и Тетово се хоспитализирани вкупно 44 позитивни и суспектни на ковид-19.