Четворица пациенти на Инфективна клиника се критични, се чекаат резултати за тестови од маж и жена кои починале вчера

Министерот за здравство Венко Филипче на денешната прес-конференција истакна синоќа по полноќ двајца мажи починале од ковид 19. Едниот е од Куманово, на возраст од 45 години, на кого откако синоќа му се влошила состојбата во болницата „8 Септември“, бил префрлен на Инфектина клиника, но реанимацијата не успеала. Тој имал и други коморбидитети – дијабет, атријална фибрилација, хипертензија и обезност. Епидемиолоки се поврзува со член на семејство кој патувал во Франција.

Вториот починат е од Дебар на возраст од 78 години, кој имал хронично опструктивен бронхит и хипертензија и примал терапија за двете хронични заболувања. Тој се лекувал на Инфективна клиника  од 27 март.

Министерот за здравство информираше дека во изминатите 24 часа направени се 392 тестирања, а потврдени 44 нови случаи на коронавирус во земјата. По градови: Куманово- 23, Скопје – 12, Тетово – 2, Битола- 3, Струга – 2, Штип-1, Прилеп – 1.

– Во моментот на Клиниката за инфективни болести има 54 пациенти со корона вирус , од кои четворица се критични, а 20 имаат потреба од кислородна поддршка. Досега се напрвени 3.518 тестови за ковид 19 – рече Филипче.

Тој информираше дека Заводот за рехабилитација во Козле веќе не прима пациенти, а двајца од таму заразените се префрлени на Клиниката за инфективни болести.

– Ги чекаме резултатите на 16 пациенти кои се тестирани и дефинитивно нема да има работна активност. Пациентите да се обратат во ГОБ „8-ми Септември“ – истакна Филипче.

Тој информираше дека од двајцата починати вчера, маж од Битола и жена од Лабуништа, кои вчера починаа и посмртно им се земени тестови за ковид 19, резултатите не се готови.

Филипче рече дека пациентот кој почина во неделата на 31-годишна возраст, в анамнезата на Инфективна клиника не укажал дека има претходни заболивања, но кај специјалисти кај кои бил на преглед, рекол дека има претходни здравствен проблеми.