ЧЕТИРИ МИСИЦИ ПОЗИРААТ ЗА FASHION GROUP Модата се промени, моќта остана иста! (ГАЛЕРИЈА)

Многумина ќе кажат дека најголемите промени се случуваат напролет, но според нас, есента е вистинското време создадено за промени. Повозбудлива од кога и да е, исполнета на секое можно поле, оваа студена сезона Fashion Group ги носи најголемите промени во модата – сосема нови брендови чии колекции се љубов на прв поглед!

Татјана Стојановска

Сакајќи да ви ги прикаже сите нови и ултра шик парчиња од новите колекции на нивните брендови со кои ја започнува новата сезона, поканија некои од највпечатливите дами во македонската модна индустрија за кои знаат дека ќе ги презентираат на совршен начин.

Светлана Црнокрак

Потврдувајќи дека стандардите за убавина и модата целосно се променија и единствено фокусирајќи се на она што внатрешната убавина вистински значи, есенската приказна Fashion Group ја прикажува преку овие четири дами, секоја сосема своја, посебна и моќна на единствен начин, секогаш умерена и ултра впечатлива.

Ана Биновска – Кочова

Облечени во парчиња за кои стилските девојки веќе потврдија дека ќе бидат огромен хит, Светлана Црнокрак, Татјана Стојановска, Ана Биновска – Кочова и Вера Мештеровиќ, нè потсетуваат на најубавите приказни од 90 тите.

– Едногласно, тие посочија дека очекувано, работите во модната индустрија целосно се променети, но и дека им е драго што денес младите наоѓаат нови и креативни начини за промоција на внатрешната убавина, со која тие не престанаа да зрачат изминатите години. Ќе се согласат и дека денес, она што тие го работеа порано, им е доделено на инфлуенсерите кои преку социјалните мрежи имаат можност да го кажат своето мислење на многу теми за што е потребна голема храброст, па истото е и повеќе од задолжително да се почитува. Се согласуваат и дека трендовите се менуваат исклучително брзо, па ако нешто за што порано не мислеле дека ќе го облечат било кога, денеска го носат со задоволство. Кога на едно место ќе се соберат вакви дами, облечени во најстилските парчиња што девојките ќе ги обожаваат оваа сезона, не можеше, а да не се спомене колку моќно тие се чувствуваат во својата кожа и како таа моќ се менува низ годините – велат од Fashion Group.

Вера Мештеровиќ

Мисиците потврдуваат дека животот добро се однесува кон нив и се апсолутно задоволни со приказната што ја живеат изминатите години. Она што го одбрале како начин на живот, совршено им одговара, а секогаш го наведуваат здравјето како предуслов за среќен живот.

Во тоа име, оваа сезона, направете нешто повеќе за себе, грижете се за семејството, почитувајте ги вистинските стандарди на убавината, воспитувајте ги најмилите да ја чуваат планетата.

Fashion Group и сезонава ги нуди најшармантните парчиња со кои ќе се заштитиме од студот и целосно ќе се посветиме на најважните работи во животот. Дека секогаш веруваме во убавината на новите нешта, овојпат прикажани преку трите брендови Kiko Milano, Mango Man&Kids и Dan John, ќе ви докажеме и од Ист Гејт Мол каде уживаме во приказните што допрва ќе ги раскажуваме заедно, порачуваат од Fashion Group.