ЧЕКАМЕ АВТОБУСИ, ЧЕКАМЕ РЕШЕНИЈА, ЧЕКАМЕ ДАНЕЛА ДА ЗАМИНЕ На скопјани им треба одговорен лидер, порача ВМРО-ДПМНЕ

Данела Арсовска не само што неуспешно се справува со градските проблеми, никако да сфати дека не е важна и дека никој не ѝ верува, обвини ВМРО-ДПМНЕ преку соопштение.

„Граѓаните на парламентарните избори на 8 мај на Арсовска јасно ѝ дадоа црвен картон. Секој збор на Арсовска претставува само бесмислена апстракција и празно ветување. Изгледа дека реформите се случуваат само во нејзината глава, таму автобусите пристигнуваат на време, граѓаните се среќни, а нејзините извинувања звучат искрено. Во меѓувреме, граѓаните продолжуваат да чекаат. Чекаат автобуси. Чекаат решенија. Чекаат да замине. Арсовска да престане да се крие зад Град Скопје, бидејќи она што е невидливо во оваа нејзина конструкција е тоа што 500 вработени во Град Скопје секој ден се жалат на нејзиното водство. Град Скопје не е нејзин личен инструмент за утеха на нејзините лични фрустрации. Ова што го прави Арсовска е само драматизација. Арсовска сѐ уште не може да го разбере главниот проблем – на скопјани им треба функционален и одговорен лидер, а не лидер со политичка импотенција“, се вели во соопштението на ВМРО-ДПМНЕ.

АКО ЈАС СУМ „КУМАТА НА ХАОСОТ“, ТОГАШ ТИ СИ „ГРОБАРОТ НА ЈАВНИОТ ПРЕВОЗ“ Арсовска ја продолжува кавгата со Мицкоски

„КУМАТА НА ХАОСОТ НА ЈАВНИОТ ПРЕВОЗ ГО ДОВЕДЕ СКОПЈЕ НА РАБ НА КОЛАПС“ Советниците од ВМРО-ДПМНЕ се спремни да го поддржат предлогот за нови автобуси