НОВ СКОК НА ЦЕНАТА НА НАФТАТА Не се очекува брза стабилизација на пазарот

Цените на нафтата остануваат под силен притисок утрово, откако иранските сили извршија воздушен напад на објектите на најголемото поле за природен гас во светот.

Нафтата Брент достигна околу 113,5 долари за барел, додека американската WTI нафта се приближува кон границата од 100 долари.

Аналитичарите предупредуваат дека ова ниво може да потрае, особено ако ситуацијата не се смири или понудата не се зголеми.

Она што особено ги загрижува економистите е темпото на раст. За релативно краток временски период, цените скокнаа од под 80 долари на повеќе од 110 долари, што претставува еден од најбрзите скокови во последните години.

Ваквата динамика обично носи нестабилност и го отежнува планирањето за компаниите и за земјите и брз раст на цените.

Растот на цените на нафтата веќе се прелева и во другите сектори, па затоа се очекува поскапо гориво во наредните денови, зголемување на трошоците за транспорт и нов притисок врз цените на храната и стоките.

Одржувањето на цените на нафтата на ова ниво може дополнително да ја комплицира борбата против инфлацијата.