ЦЕНАТА НА НАФТАТА И НАТАМУ ПАЃА Трамп им даде предност на преговорите со Иран

Цената на нафтата продолжи да паѓа откако претседателот на САД  Доналд Трамп изјави дека САД се вклучени во „добри разговори“ со Иран со цел да се стави крај на конфликтот на Блискиот Исток, со што  поттикнува оптимизам дека нормалниот проток на нафта од регионот би можел да продолжи.

Брентот падна под 87 долари за барел утрово, што е трета последователна сесија на загуби, додека пак американската сурова нафта WTI падна 81 долар за барел

САД тивко ги прекинаа нападите врз Исламската Република доцна во петокот по речиси две недели борби, додека Техеран, исто така, ги прекина одмаздничките напади врз американските бази во соседните земји.

Во меѓувреме, иранските и оманските преговарачи се состанаа во текот на викендот во обид да обезбедат договор за враќање на превозот низ стратешки важниот Ормускиот Проток.

Условите за снабдување и во другите региони исто така се подобрија бидејќи извозот на сурова нафта продолжи на терминалот на Конзорциумот на Каспискиот гасовод на брегот на Црното Море на Русија, главен излез за казахстанска нафта кој неодамна беше прекинат од нападите со украински беспилотни летала.