ЦЕЛА БРИТАНИЈА НАВИВА ЗА МАКЕДОНИЈА Рељиќ доби милионска поддршка од Островот поради Џонс

Британската јавност е шокирана од победата на Мила Рељиќ над двократната олимписка шампионка Џејд Џонс во првата борба на турнирот на Олимписките игри во Париз.

Според информациите од Островот Џонс имаше цел да стане најдобрата спортистка во таеквондо со три олимписки медали, но сонот и го сруши младата Македонка.

It’s a first round defeat for Jade Jones!

The two-time Olympic gold medallist has lost to North Macedonia’s Miljana Reljikj ❌

Jones may still be given a chance at the bronze medal through the repechage 🥉#BBCOlympics #Paris2024 pic.twitter.com/eSEpJGB7Au

— BBC Sport Wales (@BBCSportWales) August 8, 2024

Сепак сега Рељиќ доби милионска поддршка од Британија, бидејќи доколку Мила успее да се пласира во финалето во категоријата до 57 килограми, тогаш Џонс преку репасажот ќе може да повторно да настапи и да се бори за бронзениот медал.

Се огласи и поранешната светска шампионка Бјанка Кук.

– Знам колку Џејд е уништена во овој момент. Се надевам Милјана Рељиќ ќе оди до финалето и така ќе и даде шанса на Џонс да се бори за бронза преку репасажот. Скршена сум поради неа, заслужува најдобро бидејќи е најдобрата во историјата. Ми се плаче во овој момент – порача Кук.

Heartbreak for Great Britain’s Jade Jones as she loses in the first round for the second Olympics in a row 💔

She may still be given a chance at the bronze medal through the repechage 🥉#BBCOlympics #Olympics #Paris2024 pic.twitter.com/4pfV1lfUOo

— BBC 5 Live Sport (@5liveSport) August 8, 2024

Инаку Џонс влезе како голема фаворитка, но Рељиќ со одлична борба ја елиминираше со победа од 2:1.

Рељиќ во четвртфиналето ќе ги одмери силите против Либанката Лаетитина Аоун која претходно со 2:0 ја совлада Ло Чиа-линг од Тајпеј.

Според програмата дуелот на Рељиќ – Аоун би требало да биде од 15:45 минути по македонско време, а од МРТВ најавија директно вклучување и следење на борбата.