📷 ЦЕЦА ПРИРЕДИ ВЕЧЕР ЗА ПАМЕТЕЊЕ На концертот во Крива Паланка дојдоа 50.000 луѓе
Покрај Цеца, на сцената се појавија и Дејан Петровиќ со Биг Бенд, Мики Секуловски, Никола Станишиќ и Диџеј Галоски. Иако беше најавен, Мирза Селимовиќ го откажа настапот поради здравствени проблеми.
Повеќе од 50.000 луѓе синоќа го преполнија Градскиот стадион во Крива Паланка за да ја видат балканската ѕвезда Цеца Ражнатовиќ. Настапот беше дел од општинската манифестација, а интересот далеку ги надмина очекувањата – организаторите првично предвидоа околу 30.000 посетители.
Покрај Цеца, на сцената се појавија и Дејан Петровиќ со Биг Бенд, Мики Секуловски, Никола Станишиќ и Диџеј Галоски. Иако беше најавен, Мирза Селимовиќ го откажа настапот поради здравствени проблеми.
Градоначалникот Сашко Митовски утрово упати јавна благодарност до вработените во ЈП „Комуналец“, кои за неколку часа го исчистија просторот, оставајќи впечаток дека таму и не се собрале десетици илјади луѓе.
Фестивалот продолжува и вечерва, кога главна музичка атракција ќе биде Саша Ковачевиќ.
