Трагично заврши животот на германскиот ултравелосипедист Макс Ризе, светски рекордер и еден од најдобрите натпреварувачи во оваа екстремна дисциплина. Тој загина на 36 години откако со голема брзина удрил во елен за време на тренинг во близина на Салцбург.

Несреќата се случила на 15 септември на панорамскиот пат во близина на австрискиот град, каде што Ризе живеел и каде редовно тренирал. Иако делницата му била добро позната и ја поминувал стотици пати, овојпат во неговиот пат се појавил елен.

Тешко повредениот велосипедист го забележала жена која минувала со автомобил. Таа веднаш повикала помош, по што на местото пристигнале пожарникари, медицински екипи и спасувачки хеликоптер. Сепак, повредите биле смртоносни и Ризе починал на местото на несреќата.

За силината на ударот сведочи и состојбата во која бил пронајден неговиот велосипед – практично целосно уништен. На облеката на велосипедистот биле пронајдени животински влакна, што дополнително ја поткрепува претпоставката дека дошло до директен судир со еленот.

Животното, пак, не било пронајдено. Поради тоа, во истрагата е ангажиран стручњак кој треба да помогне во реконструкцијата на несреќата и да ги утврди точните околности под кои дошло до кобниот удар.

Ризе беше познат како еден од најуспешните ултравелосипедисти во светот. Во 2025 година постави светски рекорд во дисциплината „Трипл Еверестинг“, откако на Гајсберг кај Салцбург дури 95 пати ја поминал трасата до врвот и назад.

Во тој подвиг совладал неверојатни 26.553 метри висинска разлика за нешто повеќе од 37 часа, достигнување што го вброи меѓу најдобрите имиња во ултравелосипедизмот.

Трагедијата се случи токму на теренот што Ризе го познавал исклучително добро и на кој со години го градел својот спортски успех.

The post СВЕТСКИ РЕКОРДЕР ЗАГИНА ВО СТРАШНА НЕСРЕЌА Со голема брзина удрил во елен за време на тренинг appeared first on plusinfo.mk.

АЛТА банка е нов спонзор на КК МЗТ Скопје Аеродром, со што започнува партнерство насочено кон поддршка на македонскиот спорт и промоција на вредностите што ги поврзуваат спортот и успешното деловно работење – посветеност, дисциплина, тимски дух и континуиран стремеж кон подобри резултати.

Соработката беше официјализирана на денешната прес-конференција во Спортскиот центар „Јане Сандански“, во присуство на претставници на АЛТА банка и раководството на клубот.

МЗТ Скопје е клуб со голема традиција, силен идентитет и значајно место во македонската кошарка, со континуирани амбиции на домашната, регионалната и европската сцена. Токму во таквиот пристап АЛТА банка препозна партнер со кој може да изгради соработка што ќе оди подалеку од класичното спонзорство.

– За АЛТА банка претставува големо задоволство што ја официјализираме соработката со МЗТ Скопје – клуб со голема традиција, силен идентитет и препознатливост, кој оставил силен печат во македонската кошарка. Како банка која расте и се развива и гради сè посилно присуство во македонскиот финансиски систем и општеството, сакаме да бидеме активен дел од заедницата во која работиме. Веруваме дека улогата на една компанија не завршува со услугите што ги нуди, туку подразбира и поддршка на спортот, младите, позитивните примери и организациите кои создаваат вредност и ги обединуваат луѓето. Нашата желба е ова да не биде само класично спонзорство, туку активно и динамично партнерство преку кое заеднички ќе создаваме дополнителна вредност за клубот, навивачите, клиентите на АЛТА банка и пошироката заедница – изјави Стефан Николиќ, член на Управниот одбор на АЛТА банка.

Од МЗТ Скопје ја истакнаа важноста на влегувањето на АЛТА банка во партнерското семејство на клубот и подготвеноста за долгорочна соработка.

– Радува фактот што една компанија која и во својот корпоративен идентитет силно го препознава спортот и кошарката, како на локално, така и на регионално ниво, ги препозна начинот на функционирање и амбициите на КК МЗТ Скопје. Со АЛТА банка во нашето семејство добиваме уште една сериозна компанија, подготвена да ги следи амбициите на клубот не само во оваа сезона, туку и на среден и долг рок. Веруваме дека заедно ќе продолжиме да ги градиме успесите на домашен и регионален план, а оваа сезона, по подолг период, и на европската сцена преку настапите во ФИБА натпреварувањата – изјави Никола Трајчевски, претседател на Одборот на директори на КК МЗТ Скопје.

Со партнерството со МЗТ Скопје, АЛТА банка ја продолжува својата определба да биде активен поддржувач на спортот и на иницијативите што носат позитивни вредности во заедницата.

За банката, ова е почеток на соработка која треба да расте заедно со амбициите на клубот и да создава нови можности за МЗТ Скопје, неговите навивачи, клиентите на АЛТА банка и пошироката заедница.

АЛТА банка и МЗТ Скопје со заедничка енергија влегуваат во новото партнерство, со амбиција за нови успеси, посилна поддршка на спортот и создавање вредност што оди подалеку од кошаркарскиот терен.

The post АЛТА БАНКА НОВ СПОНЗОР НА МЗТ СКОПЈЕ Ново партнерство за спортот, клубот и за заедницата appeared first on plusinfo.mk.

Б.Б. од Скопје е најновиот во низата среќни ВЛТ добитници. Тој освои Супер милионер вреден 5.631.929 денари.

Најпосакуваната ВЛТ добивка е освоена на видеолотариските терминали кај деловниот соработник „Златна копачка“ на 15.09.2026 година во Скопје. Среќната игра е „40 Мега кловер“. Тимот на Видеолотарија Касинос Австрија му честита на добитникот.

Во периодот од 14.09.2026 до 20.09.2026 година, Видеолотарија Касинос Австрија исплати вкупно 13.532.127 денари кон играчите на ВЛТ терминалите низ Македонија. Исплатени се една Супер милионер џекпот добивка со 5.631.929 денари, 4 Милионер џекпот добивки со вкупен износ од 6.221.859 денари и Мини џекпот добивки за кои се исплатени 1.678.339 денари.

Видеолотарија Касинос Австрија во периодот од 1 до 31 август 2026 година исплати 63.442.546 денари, односно повеќе од еден милион евра, за ВЛТ џекпот добивки.

Видеолотарија Касинос Австрија повеќе од една деценија успешно работи во согласност со важечките законски регулативи и меѓународните стандарди, со посветеност на одговорното приредување игри на среќа.

The post СКОПЈАНЕЦ ОСВОИ СУПЕР МИЛИОНЕР ВРЕДЕН 5,6 МИЛИОНИ ДЕНАРИ Видеолотарија Касинос Австрија исплатила 13,5 милиони денари за една недела appeared first on plusinfo.mk.

Жозе Мурињо не го премолче судењето по поразот на Реал Мадрид од Атлетико. Тренерот на „кралевите“ четири минути од прес-конференцијата посвети на арбитрите, а пред новинарите покажа и фотографии од спорните стартови.

„Тоа се два чисти црвени картони. Потоа имавме многу проблеми со играч помалку, а јас само сакам да ги прегрнам моите играчи, кои одиграа одлично прво полувреме, покажувајќи класа и карактер“, рече Мурињо.

Во центарот на неговите критики беше судијата Мигел Анхел Ортиз Аријас. Мурињо го проблематизираше неговото искуство, но и начинот на кој бил одреден за дербито. Ортиз Аријас првпат судеше првенствено дерби меѓу Атлетико и Реал.

„Сè беше многу чудно“

– Уште пред една недела се знаеше кој ќе суди, иако вообичаено тоа се дознава 24 часа пред натпреварот. Судијата има 41 година и не е меѓународен судија, па според тоа, не може да се очекува дека е врвен судија – рече Мурињо.

Тој се осврна и на ВАР-судијата Трухиљо, споменувајќи претходни натпревари на Реал во кои тој бил дел од судискиот тим.

ESTOS 4 MINUTOS DE LA RUEDA DE PRENSA DE MOURINHO SON UNA VERGUENZA, ESPERO UNA DENUNCIA AL REAL MADRID. pic.twitter.com/I4J94TqNxc

— Guti (@gutiifcb) September 20, 2026

– Кутриот судија, кој досега судел само помали натпревари, и ВАР-судијата со долга историја со Реал Мадрид – рече Португалецот.

Реал особено протестираше по стартот на Кристијан Ромеро врз Џуд Белингем и интервенцијата на Канг-ин Ли врз Федерико Валверде. Ромеро доби жолт картон, додека стартот на Ли не донесе исклучување.

Фотки за доказ

Мурињо на прес-конференцијата не остана само на зборови. Пред новинарите покажа лист со фотографии од двете ситуации за кои смета дека требало да завршат со црвени картони за Атлетико.

Атлетико на крајот победи со 2-1, а Реал второто полувреме го играше со десетмина откако Дин Хојсен беше исклучен по прекршокот врз Џулијано Симеоне. Од добиениот пенал Алехандро Грималдо погоди за водство, а Џонатан Дејвид подоцна ја зголеми предноста на домаќините.

The post МУРИЊО ЧЕТИРИ МИНУТИ ГИ ОБВИНУВАШЕ СУДИИТЕ Вакво дерби не е за неискусен судија appeared first on plusinfo.mk.

Прво Џексон ја затресе мрежата, а потоа почна шоуто крај теренот. Напаѓачот го постигна вториот гол за Вила, а неговата прослава брзо стана една од сцените за кои се зборуваше по натпреварот.

Ниту Емери не остана мирен. Тренерот на Вила во еуфоријата по голот се нафрли на топките покрај аут-линијата и почна да ги шутира, сцена што привлече внимание и на социјалните мрежи.

Unai Emery with a unique celebration for Nicolas Jackson’s goal @AstonVilla pic.twitter.com/oMYbF4lLZm

— Premier League (@premierleague) September 19, 2026

Вила поведе преку Јохан Манзамби, а Џексон во второто полувреме зголеми на 2-0. Емилијано Буендија го постигна третиот гол, пред Тотенхем со два доцни погодоци да го ублажи поразот.

За Вила тоа беше прва победа во Премиер лигата сезонава. Џексон го постигна својот прв првенствен гол за клубот, а Емери по натпреварот оцени дека напаѓачот направил јасен исчекор во однос на претходните настапи.

The post 📽️ КОЈ ПООТКАЧЕНО ГО ПРОСЛАВИ ГОЛОТ НА ВИЛА? Емери ги шутираше топките, Џексон „полуде“ крај теренот appeared first on plusinfo.mk.

Само 12 секунди му беа потребни на Шон Шараф за да го урне непоразениот Гејбл Стивсон. Олимпискиот првак во борење падна по силен лев кроше, а судијата Френк Триг веднаш потоа ја прекина борбата.

Стивсон до мечот стигна со скор 4-0 во професионалната ММА-кариера и со поранешниот шампион Џон Џонс во својот агол. Шараф, пак, ги имаше загубено претходните две борби во УФЦ.

GABLE STEVESON JUST GOT KNOCKED OUT IN 12 SECONDS.
The Olympic wrestling champion just suffered his first MMA loss — and almost nobody saw it coming.
Sean Sharaf needed just 12 seconds at UFC 331 to put Steveson out cold with a left hook.
Steveson entered the fight with a 4–0… https://t.co/bS6d8TVtkV pic.twitter.com/QSbgRHvTbN

— Serеga03 (@serega7657) September 20, 2026

– Се чувствувам неверојатно. Работев многу, се молев многу и верував во себе кога никој друг не веруваше – рече Шараф по победата.

Камерите ја снимија и реакцијата на Џон Џонс, кој од аголот го следеше молскавичниот пораз на својот штитеник. Стивсон со тоа го претрпе првиот пораз во ММА и неговиот скор сега е 4-1.

Нокаутот на Шараф е трет најбрз во историјата на тешката категорија во УФЦ.

The post 📽️ 12 СЕКУНДИ БЕА ДОВОЛНИ ЗА СЕНЗАЦИЈА ВО УФЦ Еден лев кроше го урна олимпискиот шампион appeared first on plusinfo.mk.

Наместо обична порака по натпреварот со Нант, Вардар со поезијата на еден од великаните на македонската книжевност им се заблагодари на навивачите во салата „Јане Сандански“.

Нант славеше со минимални 33–32 во меч во кој победникот се решаваше до последните секунди. Францускиот тим имаше само еден гол предност и на полувремето, кога резултатот беше 16–15.

Трибините, сепак, ја дадоа другата слика од вечерта. „Јане Сандански“ беше исполнета, а навивачите го туркаа Вардар во обидот да стигне до првата домашна победа во новата сезона од Лигата на шампионите.

По последната сирена клубот објави видео со атмосферата од салата. За пораката до публиката Вардар посегна по песната „Долго доаѓање на огнот“ од Ацо Шопов, поврзувајќи ги стиховите со вечерта во која „црвено-црните“ останаа на еден гол од Нант.

The post 📽️ СТИХОВИ НА АЦО ШОПОВ ПО ДРАМАТА ВО „ЈАНЕ САНДАНСКИ“ Вардар им возврати на навивачите appeared first on plusinfo.mk.

Фудбалската федерација на Македонија би можела да добие најмалку 10 милиони долари дополнителни средства доколку ФИФА го прифати предлогот дел од своите милијарди долари резерви директно да им ги распредели на сите 211 национални федерации.

Станува збор за вкупно околу 2,1 милијарди долари, а предлогот е парите да се распределат во циклусот 2027–2030, над средствата што веќе се предвидени преку програмата FIFA Forward. За ФФМ засега нема одобрени пари – Македонија би влегла во распределбата само доколку иницијативата биде прифатена под еднакви услови за сите членки.

Иницијативата се темели на проценката дека ФИФА по циклусот 2023–2026 ќе располага со резерви од околу 6 милијарди долари, највисоки во нејзината историја. Пред следната седница на Советот на ФИФА на 15 октомври се бара независна анализа што треба да покаже колкав дел од резервите може да се подели без да се загрози финансиската стабилност на организацијата.

Според предлогот, дури и по распределбата резервите на ФИФА во следниот циклус не би паднале под околу 1,5 милијарди долари. Конечната сума, сепак, би зависела од финансиските резултати и од одлуките на органите на ФИФА.

Зад иницијативата стои и многу поголема битка околу начинот на кој ФИФА треба да го финансира развојот на фудбалот.

Предлогот следува по напуштањето на проектот FIFA Forward Enterprise (FFE), со кој се разгледуваше влез на надворешен приватен капитал преку продажба на удел во комерцијалните права поврзани со натпреварувањата на ФИФА. Проектот наиде на силен отпор и беше повлечен.

Новата иницијатива практично нуди поинаква формула – наместо развојните пари да се обезбедуваат преку продажба на удел на инвеститори, се предлага тие да се земат директно од големите резерви на ФИФА. Предлогот допрва треба да ја помине институционалната процедура, а ФИФА сè уште нема јавно да се произнесе за него.

The post ДАЛИ ФФМ ЌЕ ДОБИЕ 10 МИЛИОНИ ДОЛАРИ? Од резервите на ФИФА се бараат 2,1 милијарди за 211 федерации appeared first on plusinfo.mk.

Претседателката на англиската Фудбалска асоцијација, Деби Хјуит, побара од првиот човек на ФИФА Џани Инфантино да ги отвори документите за пропаднатиот проект „ФИФА Форвард Ентерпрајз“. Планот предвидувал приватен капитал да добие удел во комерцијалниот бизнис поврзан со Светското првенство и другите натпреварувања на ФИФА.

Хјуит, која е и потпретседателка на ФИФА, испратила писмо и до генералниот секретар Матијас Графстром. Таа бара целата документација да им биде достапна на членовите на Советот на ФИФА пред состанокот на 15 октомври.

Во центарот е прашањето како бил создаден проектот, кој учествувал во неговата подготовка и како бил избран потенцијалниот приватен инвеститор. Хјуит бара и независна проверка на целиот процес.

Пропадна планот за приватен капитал

„ФИФА Форвард Ентерпрајз“ требаше да ги префрли комерцијалните и оперативните активности за натпреварувањата во посебна компанија. ФИФА тврдеше дека ќе ја задржи контролата и дека проектот ќе донесе дополнителни приходи за развој на фудбалот.

Но, проектот предизвика силен отпор. ФИФА на крајот се повлече од планот, а сега најавува дека анализата за пропаднатиот предлог ќе ја претстави пред својот Совет.

Хјуит отвора уште едно досие. Таа бара писмено објаснување за одлуката поврзана со суспензијата на американскиот напаѓач Фоларин Балогун, кој добил можност да продолжи да настапува на Светското првенство.

УЕФА веќе бара документи во САД

Притисокот врз ФИФА во меѓувреме се префрли и во судница. УЕФА побара од американски суд пристап до документи и сведочења поврзани со ФФЕ, кои би можеле да бидат употребени во евентуална постапка во Швајцарија. Засега против Инфантино нема поднесено такво обвинение.

ФИФА ги отфрла нападите и ја обвини УЕФА дека води „кампања за оцрнување“ на организацијата и нејзиното раководство. Европската централа, пак, инсистира на пристап до документацијата за пропаднатиот проект.

Новата битка се отвора неколку месеци пред изборите за претседател на ФИФА во март 2027 година, на кои Инфантино има намера повторно да се кандидира.

The post АНГЛИЈА МУ ГИ ПОБАРА „ТАЈНИТЕ ДОСИЕЈА“ НА ИНФАНТИНО Сака увид во планот за влез на приватен капитал во Mундијалот appeared first on plusinfo.mk.

Игор Стефановски – Иџе е подготвен за последниот предизвик во сезоната. Овој викенд, од 18 до 20 септември, Бузет, Хрватска, ќе биде домаќин на големото финале на FIA Европскиот шампионат на ридски патеки (FIA EHCC).

По одличниот настап и успешниот старт со новиот прототип „Нова прото” во Словенија, Иџе сега го насочува фокусот кон култната трка 45- Buzetski dani 2026, која традиционално привлекува голем број врвни европски возачи.

Официјалната листа на пријавени брои дури 242 возачи, а во Категорија 2, во која од оваа сезона настапува Иџе со новиот болид, се пријавени најдобрите имиња од европската елита.

– Очекуваме добар резултат и сакаме таму да ја продолжиме оваа убава европска приказна. Бузет има посебно место во мојата кариера – вели Иџе, кој со нетрпение го очекува настапот. Стефановски ветува спектакл за верната публика во Бузет.

Бузет има посебно значење за неговата кариера. Токму на оваа патека минатата сезона Иџе ја возеше својата 200-та трка во кариерата, а сезоната во FIA Европскиот шампионат на ридски патеки ја заврши со одлично трето место во Група 1.

Оваа година предизвикот е уште поголем. Со преминувањето на Ново прото, Игор Стефановски – Иџе и официјално се пресели во Категорија 2, најпрестижната и технолошки најнапредната категорија во европскиот автомобилизам на ридски патеки.

Последниот викенд од европскиот шампионат носи нова битка, силна конкуренција и уште еден спектакл на легендарната патека во Бузет. Иџе е подготвен. Бузет и неговата публика го очекуваат. Македонија ќе има нова шанса да навива за својот шампион.

The post ИЏЕ ВО БУЗЕТ Големо финале на Европскиот шампионат на ридски патеки appeared first on plusinfo.mk.