Царовска: Ќе се реши прашањето на царинските стапки за странските инвеститори
Кон крајот на декември, Владата ги намали увозните давачки за одредени компоненти што ги користат странските инвеститори во технолошко-индустриските развојни зони, а од 1 јули овие давачки се вратија по старо.
Кога ќе се создадат законски услови, ќе биде надминато прашањето со царинските стапки за странските инвеститори најави денеска вицепремиерката за економски прашања Мила Царовска.
Таа соопшти дека се водат разговори со Стопанската комора.
– Министерството за економија има разговори со Стопанската комора и сметам дека по завршување на овој период во кој законски има пречки да се остварат тие права, тоа ќе се оствари затоа што е важно и треба да има одреден континуитет. Сметам дека ќе се излезе во пресрет во следниот период кога ќе се создадат законски услови и ова прашање ќе биде надминато – рече Царовска при денешната посета на трансформаторската станица Скопје 4.
Кон крајот на декември, Владата ги намали увозните давачки за одредени компоненти што ги користат странските инвеститори во технолошко-индустриските развојни зони, а од 1 јули овие давачки се вратија по старо.