Царовска: Ќе има падови и проблеми на платформата, но заедно ќе се соочиме со нив

Министерката за образование и наука Мила Царовска на денешната прес-конференција истакна дека речиси се е подготвено за почеток на новата учебна година која ќе започне утре, иако очекува да се надминуваат предизвиците во текот на целата година, но тоа дека ќе го сторат сите заедно.

Царовска информираше дека за Националната плафторма имало 30 национални обучувачи кои спроведоа обука на 1.600 наставници и резервни наставници коишто понатаму го пренесоа знаењето за користење на платформата на своите колеги во училиштата.

– Предавањата на училишните обучувачи ги одржуваат триесет национални обучувачи кои беа избрани од редовите на наставниот кадар во основните и средни училишта од различни општини во земјата. Мастер тренерите претходно ги поминаа потребните обуки за да може да го пренесуваат знаењето и вештините за платформата – потенцираше Царовска.

Таа потенцираше дека тековно се јавуваат и се надминуваат сите проблеми со националната платформа за учење.

– Наставниците добиваат инструцкии и важно е да ги следат и порталот и веб страницата на министерството за сите нови инструцкии кои се даваат таму и можеме да да имаме добар старт за да се поврзат со учениците и да го одржат класниот час и понатаму да работиме сите заеднички. Го правиме првиот чекор кон дигитализацијата на образованието, рече Царовска.

Царвоска истакна дека во последниот период често било поставувано прашањето што со оние деца кои немаат ИТ-уреди во своите домови и дека меѓу првите седници на владата било решен и овој проблем.

– За децата кои немаат ИТ-уреди во домашни услови, а според МОН се работи за околу 40 илјади ученици, ќе има алтернатива за следење на наставата. Според владиниот план, за нив ќе се организира настава со физичко присуство во училиште, доколку тоа има дозвола, но и со согласност од родителите/старателите. Ако нема согласност од нив, ќе бидат обезбедени печатени материјали кои наставниците ќе им ги достават на родителите. За овие деца ќе се емитуваат и видеа од наставен час на Македонската радио-телевизија. И таму ќе има часови од утре согласно распоредите на училиштата и одделенијата – рече министерката.

Царовска ги повика сите родители, градоначалници и директори на училиштата да седнат и заеднички да ги надминуваат прашањата. Бојкотот на наставата, рече таа, не носи ништо добро за идните геренации.

– Децата сакаат да бидат стимулирани, дали со физичко присуство, дали кратко ќе се проклучат на оналајн платформата, дали ќе добијат материјал. Дајте да им овозможиме на децата да бидат стимулирани. Ако не добиле позитивен одговор за физичко присуство, не е дека некој не сакал, туку заради тоа што здравствената и епидемиолошка состојба е ризична во тој момент или заради тоа што има многу деца во мал простор. Да почнат една недела и да имаме заразени? После тоа да нема место во болниците? Тоа не е решение. Да одиме безбедно, чекор по чекор, рече таа.

Министерката ги повикува сите заедно да работат, да го заштитат здравјето на децата, на родителите и на наставниците, а во исто време да го продолжат образовниот процес. Затоа треба заеднички да ги следат предизвиците и да се соочиме со нив.

Таа им порача на децата да бидат вредни, трпеливи и заедно да успеат да ги надминат сите предизвиците и успешно да ја започнат и спроведат учебната година според условите предизвикани од ковид-19.