БУРАТА ОТО ЈА ПАРАЛИЗИРА СКАНДИНАВИЈА Налетите на ветрот достигнуваат застрашувачки брзини, граѓаните стравуваат дека зградите ќе се урнат! (ФОТО/ВИДЕО)
Градежна компанија од Копенхаген евакуираше 280 жители од три станбени блокови, предупредувајќи дека невремето може да ги урне. Станува збор за станови од 1950-тите, изградени со грешки и не можат да издржат силни ветрови.
Поради бурата Ото која ја погоди Скандинавија, во Данска се евакуирани бројни станбени згради, затворен е мостот Оресунд кој ги поврзува Копенхаген и Малме во Шведска, а норвешките фериботи се откажани.
Ветровите достигнаа брзина и до 145 километри на час во југозападна Норвешка, а метеоролозите во Данска прогласија портокалова временска тревога за јужниот дел на полуостровот Јитланд.
Градежна компанија од Копенхаген евакуираше 280 жители од три станбени блокови, предупредувајќи дека невремето може да ги урне. Станува збор за станови од 1950-тите, изградени со грешки и не можат да издржат силни ветрови.
Додека невремето се движи источно од Норвешка, мостот Оресунд, преку кој минува и воз, е затворен.
Железничките линии меѓу Малме и Гетеборг се откажани, а возачите се повикани да не патуваат.
Во текот на вчерашниот ден бурата Ото предизвика големи проблеми и во Велика Британија, а медиумите од Островот известуваат дека голем број на авиони имале проблеми при нивното слетување и полетување, а некои дури биле принудени во последен момент да се откажат од намерата.