БУГАРИТЕ НЕ ГО ОСТАВААТ ГЛАДЕН ОХРИЃАНЕЦОТ ПЕНДИКОВ Пристигнаа пакети со зејтин, млеко, макарони, леќа, оцет… (ФОТО)
Кутиите, односно храната, е подарок од бугарскиот бизнисмен Милен Врабевски, кој е финансиер на бугарските клубови во Битола и во Охрид.
„За добро здравје на Христијан Пендиков“. Оваа порака е испишана на неколку големи картонски кутии во коишто се наоѓа храна наменета за истепаниот охриѓанец.
Пакетите ги испраќа Фондација Бугарска меморија, а тие денеска пристигнале во просториите на бугарскиот културен центар „Цар Борис Трети“ во Охрид.
Кутиите, односно храната, е подарок од бугарскиот бизнисмен Милен Врабевски, кој е финансиер на бугарските клубови во Битола и во Охрид.
„Голема благодарност за докторот Милен Врабевски и Фондацијата Бугарска меморија, кои константно помагаат за вистината и за братскиот народ во Македонија. Бог да му дава здравје на Христијан Пендиков и побргу да оздрави“, порачаа од клубот во Охрид, и објавија фотографии од подароците кои Врабевски му ги испратил на Пендиков.
Од тоа што може да се види од објавените фотографии, Врабевски го почестил Христијан со млеко, леќа, портокали, зејтин, оцет, кафе, конзерва со сардини, шеќер, макарони…
