БУГАРИЈА ДОЗВОЛИ ПРЕЛЕТ ЗА АВИОНОТ НА ЛАВРОВ Нема пречки шефот на руската дипломатија да пристигне во Скопје
Планираното патување на Лавров во Северна Македонија на министерскиот состанок на ОБСЕ нема да се смета за кршење на европските санкции – рече портпаролот за надворешна политика на Европската Унија.
Бугарија го отвори воздушниот простор за летот на рускиот министер за надворешни работи Сергеј Лавров кој треба да учествува на состанокот на министрите за надворешни работи на Организацијата за безбедност и соработка во Европа (ОБСЕ) што ќе се одржи на 30 ноември и ќе продолжи на 1 декемви во Скопје. За ова денеска за ТАС го изјави руската амбасадорка Елеонора Митрофанова.
„Тој доби позитивен одговор на нашата нота за авионот на Лавров кој лета низ бугарскиот воздушен простор“, рече таа.
Претходно портпаролот за надворешна политика на Европската Унија (ЕУ) Петер Стано изјави дека планираното патување на Лавров во Северна Македонија на министерскиот состанок на ОБСЕ нема да се смета за кршење на европските санкции.
Македонија веќе дозволи авионот на рускиот министер за надворешни работи Лавров да слета во Скопје за да учествува на министерскиот состанок на ОБСЕ.