Бугарија ја крена рампата за Македонија, влезот е со задолжителен ПЦР тест

Влез во Бугарија ќе им биде дозволен на пет држави, меѓу кои и на Северна Македонија, но само со негативен ПЦР тест кој не е постар од 72 часа – соопштија властите во Бугарија. Освен за државјани од Македонија, влез под тие услови им е дозволен и на туристи од Молдавија, Израел, Кувајт и Србија.

По оваа одлука, која е донесена на барање на туристичкиот сектор, од Кабинетот на бугарскиот премиер, Бојко Борисов, оцениле дека потегот ќе претставува сериозна поддршка за хотелиерите, кои имаат мака да ги наполнат своите капацитети.

На брифинг со новинарите, премиерот Борисов објави и нови социо-економски мерки за помош на засегнатите од кризата, предизвикана од пандемијата и како директна буџетска поддршка тие ќе издвојат повеќе од една милијарда евра, од кои 800 милиони за социјални мерки и над 300 милиони евра за економијата.