Бројот на заразени опасно расте, Грција излегува со нови мерки
За жал, пренесувањето на вирусот покажува опасен нагорен тренд, рече министерот за здравство на Грција Василис Кикиљас по состанокот за ковид-19 во премиерската палата.
Можеби ќе ве интересира
Тој најави дека ќе бидат соопштени нови мерки, а упати и апел до младите, јави дописничката на МИА од Атина.
– Уште еднаш упатувам апел до младите и до граѓаните што не ги почитуваат основните мерки за индивидуална заштита, маски, хигиенските правила, растојанието, да ја земат предвид нивната одговорност кон ранливите групи граѓани и останатите наши сограѓани во земјата – рече Кикиљас додавајќи дека Владата ќе соопшти нови мерки.