📽️ БРОЈОТ НА ЗАГИНАТИ ВО КИЕВ СЕ ИСКАЧИ НА 21 ЛИЦЕ Во теророт кој траеше 9 часа употребени се 440 дронови и 32 ракети
Украинскиот претседател Володимир Зеленски го нарече овој напад „еден од најстрашните“ што Русија го извршила врз Киев откако започна инвазијата во февруари 2022 година.
Бројот на жртви од најмасовниот руски напад врз Киев од почетокот на инвазијата се искачи на 21, соопштија украинските служби за итни случаи во вторникот.
Во нападот кој траел повеќе од 9 часа, биле повредени најмалку 134 лица, а цел на офанзивата биле 27 локации во главниот град на Украина.
„Вкупно 21 лице загина во главниот град, а 134 се повредени“, напишаа службите за итни случаи на своите канали на Телеграм.
Украинскиот претседател Володимир Зеленски го нарече овој напад „еден од најстрашните“ што Русија го извршила врз Киев откако започна инвазијата во февруари 2022 година. Тој потврди дека во нападот биле употребени повеќе од 440 дронови и 32 ракети, што ја прави оваа офанзива една од најжестоките и најобемните досега.
Another night of non-stop russian terror in #Kyiv, attacked by missiles and drones. Air raid alert has been in effect for 8 hours now, since 9:30 pm last night.
In addition to damaging a student residence in Solomiansky district earlier in the nights, russian drones damaged two… pic.twitter.com/rgJDKDfUYF
— Olga Klymenko (@OlgaK2013) June 17, 2025
Според министерот за внатрешни работи на Украина, Игор Клименко, ударите биле насочени кон 27 различни цели во градот.
Покрај нападот врз Киев, руските сили погодиле и други делови од Украина. Во Одеса загинале две лица, а 17 се повредени. Уште две лица ги загубиле животите во нападите во регионите Суми и Херсон, информираа украинските власти.
Morning view of #Kyiv from the 16th floor..
Video: olegovich1108 pic.twitter.com/W6DeIlBoJz
— Oriannalyla 🇺🇦 (@Lyla_lilas) June 17, 2025