БРОЈКИТЕ РЕЧИСИ ИДЕНТИЧНИ Во САД од корона починаа исто колку и од шпанскиот грип

Како резултат на ковид-19, речиси ист број Американци починаа како за време на пандемијата на шпански грип – околу 675.000.

Шпанскиот грип, кој се појави во 1918 година, заврши за две години и предизвика меѓу 40 и 50 милиони смртни случаи.

Како и шпанскиот грип, коронавирусот никогаш нема да исчезне целосно од нашата околина. Наместо тоа, научниците се надеваат дека ќе стане благ сезонски грип што ќе се реши со вакцинација.

– Се надеваме дека ќе биде како настинка, но нема гаранција – изјави биологот од Универзитетот Емори, Руст Антија.

Засега, пандемијата сè уште ги држи САД и другите делови на светот цврсто во своите „вилици“.

Иако порастот на инфекциите предизвикани од делта верзијата на коронавирусот може да достигне нови пикови, бројот на смртни случаи во САД во просек е повеќе од 1.900 дневно, што е највисоко ниво од почетокот на март, а вкупната бројка во земјата во понеделникот надмина 675.000, според податоците од Универзитетот Џонс Хопкинс, иако се верува дека вистинскиот број е поголем.

Зимата може да донесе нов скок, а влијателниот модел на Универзитетот во Вашингтон предвидува дека дополнителни 1.000 Американци ќе умрат од корона до 1 јануари, што би го зголемило вкупниот број на жртви во Соединетите држави на 776.000 лица.

Пандемијата на шпанскиот грип уби 50 милиони жртви ширум светот во време кога светот имаше една четвртина од населението што го има сега. Глобалниот број на жртви од ковид-19 сега е повеќе од 4,6 милиони.

Бројот на смртни случаи од шпанскиот грип во САД е груба претпоставка, со оглед на нецелосните записи од тоа време и слабото научно разбирање за тоа што ја предизвикало болеста. Бројот од 675.000 доаѓа од Американските центри за контрола и превенција на болести.

Претходно грипот 1918-1919 година, генерално се сметаше за најлоша пандемска болест во историјата на човештвото. Не е јасно дали сегашната чума на крајот ќе се покаже како посмртоносна.