БРИТНИ СПИРС Е ПОВТОРНО СЛОБОДНА Татко ѝ Џејми се откажа од старателството

По многуте турбуленции, Бритни Спирс повторно е слободна жена, бидејќи нејзиниот татко Џејми одлучи дека тој повеќе нема да биде нејзин законски старател.

Се дознало дека адвокатот на Џејми доставил правни документи во кои вели:

„Всушност, нема основа за суспендирање или отстранување на г-дин Спирс како старател на имотот и многу е дискутабилно дали промената на старателот во овој момент ќе биде во најдобар интерес на г-ѓа Спирс“, пренесуваат странските медиуми.

„Сепак, иако г-дин Спирс е постојана мета на неоправдани напади, тој не верува дека јавната битка со неговата ќерка околу неговата постојана улога како старател би била во нејзин најдобар интерес. Значи, иако мора да се оспори за оваа неоправдана петиција за негово отстранување, г-дин Спирс има намера да работи со Судот и новиот адвокат на неговата ќерка за да се подготви за правилна транзиција кон новиот старател.“

Документите понатаму велат: „Без оглед на неговата официјална титула, г-дин Спирс секогаш ќе биде татко на г-ѓа Спирс, тој секогаш ќе ја сака безусловно и секогаш ќе се грижи за нејзиниот најдобар интерес“.

Тој вели дека во суштина ја спасил Бритни кога била „во криза, очајно ѝ била потребна помош“ пред 13 години, додавајќи: „Не само што страдаше психички и емоционално, туку и ја манипулираа предатори и беше во финансиски проблеми. Господинот Спирс ѝ помогна на својата ќерка за да ја заштити.

Тој вели дека никогаш не ја принудувал да прави ништо, вклучително и настапите.

Адвокатот на Бритни, Метју Розенгарт, кој бил контактиран, не го трогнала одлуката на Џејми да се повлече, раскажал за ТМЗ:

„Задоволни сме, но не и изненадени од тоа што г -дин Спирс и неговиот адвокат конечно разбраа дека тој треба да биде отстранет. Меѓутоа, ние сме разочарани од нивните постојани срамни напади врз г -ѓа Спирс и врз другите.“