Бразил веќе нема да кажува вкупна бројка на заболени и починати од ковид-19
Во текот на изминатата недела епицентар на пандемијата стана Латинска Америка, особено Бразил. Таму бројот на инфицирани и починати се зголемува многу. Но, земјата не сака веќе да објавува вкупни бројки на заболени и починати од вирусот.
На веб страницата на Министерството за здравство на Бразил се вели дека за короната ќе бидат објавувани само дневни бројки на инифицирани и починати во текот на изминатите 24 часа, пишува Дојче веле.
Можеби ќе ве интересира
„Кумулативните податоци не ја отсликуваат позицијата каде што земјата се наоѓа“, образложи шефот на државата Жаир Болсонаро. Критичарите сметаат дека ваквиот шаховски потег е обид да се прикрие целиот размер на пандемијата во Бразил.
Поради ова претседателот Болсонаро е обвинет за тоталитаризам и за цензура.