Бранислав Лечиќ се огласи за обвиненијата за силување: Даниела, кажи ја вистината ВИДЕО
Српскиот актер Бранислав Лешиќ, кој беше обвинет од актерката Данијела Штајнфелд дека ја силувал во автомобил во мај 2012 година, ѝ се обрати на јавноста со видеопорака која е објавена на Јутјуб.
„Го снимам ова видео со желба да ѝ се обратам на јавноста во Србија заради сè што се случува во медиумите последните денови, дека сум обвинет за силување на Даниела Штајнфелд на 7 мај 2012 година, додека ја работевме претставата „Дневна команда“ во БДП на мала сцена. Ветив дека ќе им се обратам на медиумите дури кога ќе одам во обвинителството. Во меѓувреме добив повик од обвинителството, и тоа ќе биде в петок. Веројатно би го чекал тој ден да не почувствував и забележав дека јас во медиумите сум осуден, дека сите мислат или почнуваат да мислат дека сум силувач, монструм , никаквец, лицемер“, вели Лешиќ во видеото.
„Би сакал да ѝ се обратам на мојата колешка, жена, Даниела Штајнфелд. Даниела, ако некогаш во кој било момент, потег, мисла, случаен гест, намерен гест, сум те навредил, повредил, понижил. Ако сум навредил некоја жена на таков начин за да стекне впечаток дека сум некултурен, агресивец, предатор, тогаш длабоко ти се извинувам и тебе, Даниела, и на секоја жена која се почувствувала загрозена, потценета“, вели тој.
„И пред Даниела ќе кажам: „Кажи ја вистината, Даниела, ние бевме само партнери во работата, максимално се трудев да сфатиш која улога ја играш. Како што во претставата немаше сексуална реализација, знаеш и самата, тоа не се случи ниту во животот. И ти и јас, а и Бог знае дека никогаш не сме имале ниту љубовен однос, ниту врска, ниту сексуален однос, никогаш.
„Дали е логично да кажеш дека си протерана од Србија, дека јас бев причината за твоето заминување во Америка, кога и театарот, и јас и мојата сопругата знаеме дека рече дека одиш во Америка. Не знам зошто е конструкцијата. Јас морам да се бранам, пред обвинителството, судот, лекарите, Бог. Подготвен сум да ја ставам раката на Библијата. Знаеш дека ја знам твојата душа затоа што се трудев да ја направиш улогата. Зошто една жена би користела такви средства и би правела себеси профит? Тоа не е достојно, за нас како актери, партнери и жени. Не го прави тоа, не ти треба тоа“, рекол познатиот актер во видеото.
ФОТО: Јутјуб